Wednesday, September 12, 2018

Ilantad at Labanan ang Teroristang atake ng AFP/PNP na pinamumunuan ng pasista, diktador at teranyang Rehimeng E.U.- Duterte laban sa mamamayang Masbatenyo

Mariing kinokundina ng Jose Rapsing Command at ng mamamayang Masbatenyo ang mga panibagong kaso ng ekstrahudisyal na pamamaslang sa mga sibilyan nitong nakalipas na buwan ng Agosto hanggang unang linggo ng kasalukuyang buwan. Nagdulot ito ng malawakang takot sa mga sibilyang naninirahan sa mga liblib na mga barangay sa ilang bayan ng lalawigan. 

Ang mga pamamaslang na ito ay kagagawan ng mga nabubuwang na mga sundalo ng 2nd IBPA, 22nd CAFGU(Cadre) Battalion, PNP Regional Mobile Force Battalion 5 at mga rebel returnees na pinamumunuan nina Arlan Banggalisan(aka Jonas) at Rolando Bareja Epil,Jr.(aka Jezel, Edgar at Bulak). Ito ay ganting atake sa mga sibilyan ng mga berdugo at pasista sa sunod-sunod nilang pagkabigo na durugin at wasakin ang rebolusyonaryong kilusan sa probinsya.

Lahat ng mga biktima ay pawang sibilyan na pinagbalingan ng galit ng mga sundalo at pulis sa tuwing sila ay nagkakaroon ng operasyong militar sa mga kanayunan.Dahil sa walang kooperasyon na nakukuha sa mga sibilyan ay pinagiinitan sila ng mga sundalo at pulis na humahantong sa pandarahas sa mga tao at pagsira sa kanilang mga tirahan, alagang hayop at pananim.

Sa ulat na nakalap ng JRC-BHB Masbate nitong huling linggo ng Agosto at unang linggo ng buwan ay nakapagtala ng pitong biktima sa mga bayan ng Uson, San Jacinto, San Fernando, Monreal at Masbate City.

Ang mga sumusunod ay mga pangalan ng biktima at lugar ng pinangyarihan ng pamamaslang;

1. Nonong Capellan –dinampot sa So. Batuila, Brgy. Madao, Uson habang naglilinis sa kanyang niyugan. Nabasag ang ulo, nagkabali-bali ang mga buto, nilagay sa sako at inilibing sa gilid ng ilog sa San Antonio, Milagros; 

2. Johnel Dejucos at Pablo Dilao ng Brgy. Burgos, San Jacinto – pinagbabaril hanggang sa mamatay; 

3. Dominggito Deinla at Maria Des Dilao Deinla(mag-asawa) ng Brgy. Resurrecion San Fernando. Dating CAFGU at tauhan ni SPO2 Rommel Borromeo. Pinagdudahan ng mga sundalo at pulis na may kinalaman sa pagkamatay ng dating pulis; 

4. Dingdong Escorel ng Brgy. Cantorna, Monreal, kasapi ng BICPAI.Kinuha ang P20,000.00 . Pinatay ng mga CAFGU na nakadestino sa Brgy. Tugoron, Monreal; at 

5. Ruel Nunez ng Brgy. Biyong, Masbate City -Dinampot ng 2nd IBPA, PNP PPO Masbate at PNP Masbate City habang nagpapakain ng baboy. Namatay sa bugbog at basag ang ulo.

Ilan sa mga insidenteng ito ay nakitaan ng presensya nina Arlan Banggalisan at Rolando B. Epil, Jr, pawang mga rebel returnees at numero unong giya sa mga operasyon.

Nakapagtataka din ang pagiging tahimik ng mga matataas na opisyal ng lalawigan sa walang aksyong ginagawa kahit pa nga dumarami na ang mga nagiging biktima na ang iba ay kanila pang mga lider sa pulitika.

Kaya naman hinahamon ng JRC-BHB Masbate sina Gobernor Kho, Bise Gobernador Revil at mga miembro ng Sangguniang Panlalawigan na magsagawa kayo ng pormal na imbestigasyon at papanagutin niyo ang mga opisyal ng 2nd IBPA, PNP Masbate PPO at sina Arlan Banggalisan at Rolando B. Epil, Jr. na sangkot sa mga karumal-dumal na patayan sa buong probinsya.

Sa ganitong banda ay maipapamalas niyo ang mga pinangako niyo sa mamamayang Masbatenyo nung kayoy nangangampanya pa lamang na itataguyod ang karapatan ng bawat Masbatenyo laban sa pagsasamantala at pang-aapi ng mga sundalo at pulis.

Hinihikayat ng JRC-BHB Masbate ang lahat ng mga patriyotikong indibidwal at grupo, taong simbahan,mamamahayag at iba pang nagmamalasakit sa karapatan pantao na ilantad at labanan ang walang humpay na terorismo at atake ng 2ND IBPA, 9th IDPA, PNP Masbate at Rebel Returnees sa mamamayang Masbatenyo.

Nananawagan ang JRC-BHB Masbate sa lahat ng Masbatenyo na patuloy niyong suportahan ang inyong tunay na Suldados san Pobre at makipagtulungan sa mga kasama sa anumang bantang gagawin ng mga sundalo at pulis.

Mabuhay ang Partido Komunista ng Pilipinas! 
Mabuhay ang Bagong Hukbong Bayan! 
Mabuhay ang Pambansa Nagkakaisang Prente ng Pilipinas! 
Mabuhay ang Sambayanang Masbatenyong lumalaban! 
Sumanib sa Digmang Bayang magpapalaya sa kontrol ng Imperyalistang Estados Unidos at sa mga kasabwat nito!

KA LUZ DEL MAR
Tagapamahayag
JRC – BHB Masbate

Monday, August 27, 2018

Notoryosong Utak sa Ekstra-Hudisyal na Pamamaslang sa Isla ng Ticao, pinarusahan ng yunit ng JRC-BHB MAsbate

Ipinagbubunyi ng mamamayang Ticaonon sa unang distrito ng Probinsya ng Masbate ang hakbang pamamarusa na inilunsad ng isang yunit ng BHB sa ilalim ng Jose Rapsing Command (JRC) laban sa notoryosong utak na operatiba sa paniktik na sumasaklaw sa isla ng Ticao at Burias. 

Gayundin, binabati ng JRC-BHB Masbate ang magiting na pulang kumander at mga mandirigma nito sa kanilang mahusay na paggawad pamarusa kay SPO2 Rommel G. Borromeo, dating opisyal paniktik ng Regional Mobile Force Battalion (RMFB5-PNP) sa isinagawang ambus bandang alas 12:30 ng tanghali noong ika 26 ng Agosto 2018 sa Danta Farm. Brgy. Calipatan, San Jacinto, Masbate. Matiyagang inantay ng mga pulang mandirigma ang kanilang target na nagmula pa sa Poblacion District 2 para magsabong. 

Nagsilbing signal fire ang command detonated explosive(cdx) para paulanan ng putok ng mga matataas na riple na siyang nagpatumba kay SPO2 Borromeo at sa kasama nitong asset na si Antonio Barsaga. Nakuha sa retiradong pulis ang isang gloc .9mm pistol at dalawang magasin na puno ng bala. 

Hindi naging madali para sa mga operatiba ng JRC-BHB Masbate ang ipatupad ang pagparusa kay SPO2 Borromeo sa kadahilanang papalit-palit ito ng sasakyan at pagkukumoplahe ng itsura para hindi siya matukoy. Ngunit dahil sa tulong ng ilang mga pulis at sundalong nagbibigay ng mga detalyadong impormasyon patungkol sa mga plano at rutang pupuntahan ni SPO2 Borromeo at Barsaga ay naging madali na itong napagplanuhan ng mga kasama. 

Si SPO2 Borromeo ay dating miyembro ng Special Action Force(SAF-PNP) na nalipat sa RMFB5-PNP bilang opisyal paniktik, habang ang kanyang kasama ay numero unong asset nito at tagapagrekluta ng mga asset sa buong Ticao. Hindi na mabilang ang mga krimeng nagawa ng retiradong pulis, kahit pa nga retirado na ay aktibo pa rin itong gumagampan sa kanyang trabaho bilang utak sa pampulitikang pamamaslang at paninira ng mga ari-arian sa mga lugar na pinaglulunsaran ng operasyong militar. Sa lahat ng ito ay kasa-kasama niya parati si Antnonio Barsaga kaya naging lehitimong target din ito ng pamamarusa. 

Ilan dito ay ang mga sumusunod na pangyayari kung saan si SPO2 Borromeo mismo ang utak at punong tagapagpatupad sa mga pamamaslang ng kanilang special death squad na binubuo ng mga pulis at army sa isla ng Ticao: 

1. Pagpatay kay SB Member Oscar Mendez ng Monreal, Masbate na taga-Brgy. Sto. Nino, Monreal na hinarang ng mga nakamotor sa boundary ng Brgy’s. Maglambong at Cantorna. 

2. Pagpatay sa mag-amang Ariel at Allan Bartolay sa So. Palopino,Bartolabac, San Jacinto noong 2015. 

3. Pagpatay kay Punong Barangay Rey, kanyang kagawad at isang binatilyo sa Brgy. Bartolabac noong 2016. 

4. Pagpatay sa isang negosyanteng may apelyidong Sese sa Brgy. Lagundi, Batuan. 

5. Pagpatay sa isang babae na may apelyidong Bunan at sa kanyang bayaw at pagkasugat ng isang lalaki na bilas ng biktima sa mismong bahay nito sa Brgy. Poblacion, Monreal, Masbate. 

6. Panununog ng mga kabahayan at pagsira sa mga ari-arian ng mga residente sa mga interyor barangay sa bayan ng San Fernando ng pinagsanib pwersa ng Charlie Coy ng 2nd IBPA at RMFB5 –PNP. 

Muling nananawagan ang JRC-BHB Masbate sa mamamayan ng Ticao, gayundin sa mga Masbatenyo sa buong lalawigan na magtulungan at magkaisa tayong labanan ang pasistang estado na pinamumunuan ng pasista, berdugo, diktador at tiranyang rehimeng US-Duterte at sa bayarang pasista at berdugong AFP at PNP. 

Isulong ang digmang bayan na siyang magwawakas sa bulok na sistemang pang-lipunan at itayo ang lipunang walang magsasamantala at pinagsasamantalahan na kapwa. 

Mabuhay ang mamamayang Masbatenyo at Pilipino! 
Mabuhay ang Partido Komunista ng PIlipinas sa kanyang ika-50 taon! 
Mabuhay ang Bagong Hukbong Bayan! 
Mabuhay ang Pambansa Demokratikong Nagkakaisang Prente ng Pilipinas!

LUZ DEL MAR
Tagapamahayag
Jose Rapsing Command (NPA-Masbate)
Agosto 27, 2018 

Saturday, August 25, 2018

Sunod-sunod na mga taktikal na opensiba ng JRC-BHB Masbate, tugon sa panawagan ng mamamayang Masbatenyo laban sa mga paglabag sa karapatang pantao na ginagawa ng AFP at PNP at sa pagtalikod ng tiranyang rehimeng US-Duterte sa negosasyong usapang pang-kapayapaan

Nagpupugay ang JRC – BHB Masbate sa pulang kumander at mga mandirigma sa mabilis nilang pagtugon sa hinaing ng mamamayang Masbatenyo para maparusahan ang mga kapulisan at CAFGU na kasangkapan ng teroristang estado sa paghahasik ng lagim sa mamamayan sa kanayunan at kalunsuran. 

Alas 7:45 ng umaga nitong ika -24 ng Agosto 2018, nang ambusin ng yunit ng mga kasama ang mga pulis na sakay ng kanilang patrol car mula sa kanilang detatsment sa Brgy. Bayombon, Masbate City. Nang eksaktong pagtapat sa pwesto ng mga kasama ay agad silang pinaputukan gamit ang command detonated explosion(cdx) at mga riple sa bahagi ng Crossing Biyong, Masbate City. 

Nagresulta ito sa pagkasugat sa apat na pulis na nakilalang sina SPO2 Ariel Espiel, PO2 Leo Michael Azares, PO2 Melman Rapsing at PO2 Rosalito Apoya II. Agarang dinala ang apat sa hospital sa lungsod ng Masbate. 

Bandang alas 5:30 ng hapon, isa pang ambus ang inilatag ng isa pang yunit ng mga kasama kay Baldo Dequilla, miyembro ng CAFGU. Si Dequilla ay kakagaling lang mula sa pangongotong sa mga pasugalan at sabungan sa Brgy. Igang, Masbate City. Pagdating niya sa So. Malapay, Igang, Masbate City, sakay ng motorsiklo, agad na pinutukan siya ng mga kasama na siya niyang ikinamatay. Isang kilala at notoryosong mangongotong sa mga pasugalan at sabungan sa mga interyor na baryo si Dequilla, kasabay ng kanyang paglalatag ng mga lambat-paniktik hinggil sa galaw ng mga kasama, sa utos at basbas ng hepe ng CPAC Bayombon. Ang CPAC Bayombon ay notoryos sa pangongotong sa mga motoristang dumadaan sa kanilang checkpoint. Ang mga nahuhuli mga motor ay pinatutubos ng mga manok pansabong. 

Ang ganitong mga aksyong pamarusa ng mga kasama ay magsilbing leksyon at babala sa mga kapulisan at iba pang pwersa ng estado na maging tapat sa inyong tungkulin at pagsilbihan ang mamamayan na siyang nagpapasahod at bumubuhay sa inyong pamilya. Hindi lingid sa mamamayan ang pagmamalabis niyo sa katungkulan at paggamit niyo ng baril para makapandambong sa mga tao. Maging ang mapayapang pagkilos ng mga tao para magpahayag ng kanilang hinaing ay sinusupil niyo. Samantala, mga pipi, bulag at bingi naman kayo sa mga malalaking sindikato na ang nasa likod ay mga opisyal ng pulis, militar at pulitiko. 

Mamamayang Masbatenyo at Pilipino halina't isulong natin ang digmang bayan na magwawakas sa pasista, diktadura at teranyang rehimeng US-Duterte. 

Mabuhay ang sambayanang Pilipino! 
Mabuhay ang Partido Komunista ng Pilipinas! 
Mabuhay ang Bagong Hukbong Bayan! 
Mabuhay ang Pambansa Demokratikong Nagkakaisang Prente ng Pilipinas!

LUZ DEL MAR
Tagapamahayag
Jose Rapsing Command (NPA-MAsbate)
Agosto 25, 2018 

Thursday, August 23, 2018

Pagparusa ng JRC-BHB sa 2nd IBPA, makatwirang tugon sa lumalalang paglabag sa karapatang pantao ng mamamayang Masbatenyo

Ipinagbubunyi ng mamamayang Masbatenyo ang mahusay na paglaban ng Bagong Hukbong Bayan(BHB)- Masbate sa ilalim ng Jose Rapsing Command sa halos dalawang laking-kumpanya ng pasistang tropa ng 2nd IBPA. Gayundin, binibigyan ng pagpupugay at pagsaludo ang pulang kumander at mga manidirigma sa maayos na paggagap sa tungkullin matapos bigwasan ng isang yunit ng mga kasama sa pamamagitan ng kumbinasyong isnayp at harass ang nag-ooperasyong mga sundalo sa Brgy. San Antonio, Milagros noong Agosto 23, 2018. Nakapagdulot ito ng pinsala sa mga pasistang sundalo kahit pa sa gitna ng malaking kordon na inilatag ng mga sundalo. 

Ayon mismo sa mga nakasaksi ay dalawang(2) ambulansya ang humarurot ng takbo papuntang Masbate City lulan ang mga sugatan, habang isang sundalo ang tiyak na namatay sa isinagawang isnayp Nadagdagan pa ng isang(1) patay sa mga sundalo ng magkaroon sila ng misencounter sa isa pang grupo ng mga sundalo na nasa di-kalayuan na nagsisilbing blocking force sa pag-aakalang dadaan sa harap nila ang paataras na mga kasama. 

Bago pa ang pamamarusa ng mga kasama ay may kung ilang araw ng ginagalugad ng 2nd IBPA ang mga bulubunduking baryo sa tatlong magkakadikit na mga bayan ng Mobo, Uson at Milagros. 

Para sa kaalaman ng lahat, ang 2nd IBPA, 9th IDPA ay may mahaba nang listahan ng mga ginawang krimen at utang na dugo sa mamamayang Masbatenyo partikular na sa mga interior na barangay na pinaglulunsaran ng kanilang operasyong militar. Si Lt. Col. John Oliver Gabun ang tumatayong punong kumander ng 2nd IBPA. 

Bago pa nito, noong ika-20 ng Agosto taong kasalukuyan ay iligal na pinasok ng nga sundalo ang bahay ng mag-asawang Baby Merdejia sa So. Malapinggan, San Jose, Uson. Sinira ang bahay at mga personal na gamit ng mag-anak. Ito ang pangalawang pagkakataon na pinasok at sinira ng mga sundalo ang bahay ng pamilya Merdejia na una ng pinuntahan noong Septyembre 2017 kung saan ninakaw ang ipong pera na nagkakakahalaga ng P50,000, maliban pa ang pagkasira ng 2 durabox, pagkuha sa mga alagang hayop at pagtatapon sa labas ng bahay ng mga kagamitan, habang sa kalapit na bahay ay kinuha naman ang cellphone ng anak ng nagngangalang Charlies Adi. 

Iligal din na dinampot ang anim na katao kabilang si Poning Baba na dating punong barangay ng Brgy. San Jose, Uson. Hapon na nang pakawalan sila matapos na gawing giya at pananggalang ng mga sundalo. 

Sa Brgy. San Antonio, Milagros naman, binasag ang pintuan at ninakaw ang mga kagamitan sa loob ng bahay ni Dondon Bacud. Hindi pa nasiyahan ay pinagtatapon ang mga nakaimbak na palay ng pamilya Bacud. 

Ilan lamang ito sa mga humahabang kaso na kinasasangkutan ng 2nd IBPA, kasama ang mga Rebel Returnees na tuluyang nang nagpakasangkapan sa paggawa ng krimen laban sa mamamayan. 

Samantala, sa unang distrito naman ng probinsya, partikular sa isla ng Ticao, nakararanas din ang mga residente ng kaparehong pagsasamantala ng mga sundalo. Makailang beses ng binabalik-balikan ang mga baryo sa mga bayan Monreal, San Fernando at San Jacinto para sirain ang mga mga ari-arian at pananim, nakawin ang mga alagang hayop, pera at sasakyan ng mga sibilyan. 

Muling nananawagan ang JRC-BHB Masbate sa mga Masbatenyo na patuloy niyong suportahan ang tunay na hukbong naglilingkod sa inyo para sa tuloy-tuloy na pagsulong hanggang sa ganap na tagumpay. Digmang bayan ang sagot sa tumitinding krisis ng lipunang Pilipino at sa mga paglabag sa karapatang pantao na kinasasangkutan ng mga kasundaluhan, kapulisan, paramilitar at ex-NPA sa ating probinsya. 

Makabayang Masbatenyo at Pilipino, isulong ang Demokratikong Rebolusyong Bayan! 
Sumapi sa Bagong Hukbong Bayan, ang tunay na suldados san Pobre! 
Digmang Bayan ang sagot sa Martial Law ng rehimeng US-Duterte!

LUZ DEL MAR
Tagapamahayag
Jose Rapsing Command (NPA-Masbate)
Agosto 23, 2018

Monday, August 13, 2018

Tuloy-tuloy na Pandarahas at Terorismo sa Probinsya ng Masbate na kinasasangkutan ng 2nd IBPA, 96th MICO at ex-NPA

Kinukondena ng Jose Rapsing Command-BHB Masbate ang walang tigil na pandarahas at terorismo ng berdugo at pasistang 2nd IBPA, 96th MICO, kasbawat ang ilang mga ex-NPA, sa mga residente ng Brgy. Talisay, San Fernando, Masbate na nagdulot ng pagkatakot at pagkasira sa kabuhayan at ari-arian ng mga tao sa lugar. 

Mag-a-alas-6 noong Agosto 11, taong kasalukuyan, muling inatake ng mga kasundaluhan ang mga residente ng So. Kaburihan, Brgy. Talisay, San Fernando, Masbate. Kahit walang kaukulang papel na galing sa korte ay pinasok ng mga sundalo ang mga kabahayan sa pag-aakalang nagtatago ang mga residente ng mga ilegal na gamit. 

Ayon sa mga nakasaksi sa pangyayari, pinaghahalungkat ang mga gamit nina Janeth Bona, Sally Bona, Brgy, Kgwd. Ramon Bartolay, mag-asawang Paeng at Jeneve Bartolay, Elsie Baldeo, at Esther Gan. Iba’t-ibang mga personal na gamit ang pinagkukuha sa mga biktima, kabilang ang isang flat screen tv, pabango, cellphone, pera at iba pa. 

Maliban sa pagnanakaw, pinagsasampal at binugbog din ang mga biktimang sina Sally Bona, Brgy. Kgwd. Ramon Bartolay at mag-asawang Paeng at Jeneve Bartolay. 

Ito na ang pangatlong beses na bumalik ang mga pasista at berdugong sundalo sa lugar ng mga residente ng Brgy. Taisay, San Fernando. Una dito, noong Marso 15, 2018, pinagkukuha ang mga alagang manok, kambing at baboy, bangkang de motor at de sagwan, generator at iba pa. Muling itong bumalik noong Mayo 12, 2018 at kinuha naman ang 4 na motorsiklo na ginagamit sa hanapbuhay ng mga tao sa lugar. 

Hindi lubos maisip ng mga Ticaonon kung sundalo pa ba ang mga ito dahil sa wala na itong pinagkaiba sa mga tulisan na kung makapangbiktima sa mga residente ay parang asong nauulol. Hindi na inalintana ng mga sundalo ang hirap na buhay ng mga tao sa lugar. Ayon sa mga residente ng baryo, perwisyo sa mga tao, ari-arian at kabuhayan ang idinudulot ng mga operasyong militar na ito. Dagdag pa ng isang residente na ang AFP at PNP, kasabwat ang paramilitar na grupo at ex-NPA, ang pinakamalaki at organisadong grupong kriminal na namamayagpag ngayon sa bansa. 

Hindi kataka-taka kung sa mga darating na araw ay pulu-pulutong na mga mamamayang Masbatenyo ang sasampa sa BHB para bagtasin ang daan ng armadong pakikibaka na magiging ambag sa pagpapabagsak sa pasistang diktadurang rehimeng US-Duterte. Hungkag din ang pagsusumikap ng kanilang punong kumander na si Duterte na makuha ang puso’t isipan ng mamamayan dahil mismong si Duterte ay hindi sinsero sa kanyang mga sinasabi. Taliwas ito sa mga binitawang salita niya bago at pakatapos ng eleksyong 2016. Marami ding mga opisyal sa AFP at PNP at maging mga retiradong heneral na itinalaga sa burukrasya ang nananabotahe sa usapang pangkapayapaan. 

Hinahamon ng JRC-BHB Masbate ang lokal na pamahalaan ng Probinsya ng Masbate lalong-lalo na ang Sangguniang Panlalawigan kung saan may kinatawan mula sa isla ng Ticao at Burias. Panindigan niyo ang sinumpaan niyong ipagtatanggol ang buhay at ari-arian ng masang Masbatenyo sa panahong ito. Nangangailangan ang masang Masbatenyo ng inyong tulong laban sa pandarahas at terorismo ng estado gamit ang AFP,PNP, Para-Militar at ex-NPA. Hindi lang dapat sa panahon ng kampanya tuwing eleksyon kundi sa lahat ng oras ay may tungkulin kayong protektahan ang mga mamamayan na siyang naglagay sa inyo sa kapangyarihang pampulitika na hawak niyo ngayon. 

Nananawagan din ang JRC-BHB Masbate sa mamamayang Masbatenyo na ilantad at labanan ang lahat ng porma ng pang-aapi at pagsasamantala ng mga kasundalohan at kapulisan. Ipaglaban nyo ang karapatan niyo na ginagarantiya ng saligang batas ng Pilipinas na patuloy na nilalapastangan ng mga berdugo at pasistang teraniyang rehimeng US-Duterte. 

Sa mga ex-NPA na tuwirang nagpapagamit sa AFP at PNP, hindi sa lahat ng oras ay kakanlungin kayo ng AFP at PNP. Darating ang araw na matutulad kayo sa mga naunang ex-NPA na ginamit ng AFP at PNP na ngayon ay nagsisi na at walang mapuntahan dahil mismong pamilya, kamag-anak, kaibigan at kababaryo nila ay itinatakwil sila dahil sa krimeng nagawa sa taumbayan. Mabuhay ang Partido Komunista ng Pilipinas! Mabuhay ang Bagong Hukbong Bayan! Mabuhay ang Pambansanng Nagkakaisang Prente ng Pilipinas! Mabuhay ang Sambayanang Pilipino! Isulong ang Digmang Bayan na magwawakas sa pasista at tiraniyang rehimeng US- Duterte!

LUZ DEL MAR
Tagapamahayag 
Jose Rapsing Command (NPA-Masbate) 
Agosto 13, 2018